Edición rexional da nota de lanzamento. Ver a edición xeral

DuckDik, a pulseira de saúde española sen pantalla e sen subscrición que fala éuscaro, galego, catalán e valenciano

• A app DuckDik Health e o seu coach de intelixencia artificial funcionan integramente en castelán, catalán, valenciano, galego e éuscaro.
• Coa DuckDik Sense no mercado desde xullo de 2026, a compañía madrileña suma arredor de mil novos usuarios ao mes en España, Italia, Francia, Alemaña e Portugal.
• A súa pulseira DuckDik Sense compite nun mercado dominado por Apple, Google, Samsung, Xiaomi e Huawei cun enfoque propio: sen pantalla, sen cotas e na lingua de cada usuario.

Madrid, 1 de outubro de 2026.– DuckDik, empresa española de tecnoloxía de benestar, comercializa desde xullo de 2026 DuckDik Sense, unha pulseira de saúde sen pantalla e sen subscrición cuxa app, DuckDik Health, funciona integramente en castelán, catalán, valenciano, galego e éuscaro, tanto nos seus menús como nas conversas co seu coach de intelixencia artificial.

Desta forma, cada usuario pode consultar na súa lingua como durmiu, que nivel de enerxía ten ou como lle está afectando o estrés, e recibir recomendacións concretas para ese mesmo día. O idioma cámbiase desde o perfil da app en segundos e, a partir dese momento, o usuario pode conversar co coach na lingua escollida.

«Unha persoa non entende igual unha recomendación sobre a súa saúde nunha segunda lingua que na súa. Se o que vendemos é comprensión, traducir só os botóns non serve de nada.»

Unha pulseira pensada para o día a día

DuckDik deseña a súa propia pulseira, fabricada por un socio industrial de acordo coas súas especificacións. DuckDik Sense está pensada para o público xeral: persoas que queren coidarse no seu día a día sen necesidade de ser deportistas. Entre o que máis destacan os seus usuarios están a súa batería de ata 45 días, a súa lixeireza —«apenas se nota»— e unha app sinxela que interpreta os datos por eles, sen cotas.

Ao non ter pantalla, a pulseira non reclama a atención do usuario con avisos nin números constantes, lévase de día e de noite e pasa desapercibida, ata o punto de que moitos usuarios a combinan co seu reloxo habitual. A información consúltase cando se quere, na app, acompañada dunha explicación de que significa.

Crecer escoitando

Desde o lanzamento da Sense en xullo de 2026, DuckDik suma arredor de mil novos usuarios ao mes en cinco países europeos. A compañía optou por un crecemento prudente, centrado en falar cos seus clientes e mellorar o produto antes de acelerar. O seu software, os seus algoritmos e o seu soporte desenvólvense en España, e os datos dos seus usuarios aloxanse en servidores da Unión Europea.

«Queremos que unha persoa de Bilbao, de Vigo ou de Girona sinta que a app está feita para ela. É unha forma de respecto e tamén unha forma de competir: onde as grandes plataformas non chegan, nós si.»

Dispoñibilidade e prezo

DuckDik Sense está dispoñible en duckdik.com e en Amazon por 89 €, sen subscrición. A app DuckDik Health está incluída sen custo adicional e dispoñible en dez idiomas: castelán, catalán, valenciano, galego, éuscaro, inglés, francés, alemán, italiano e portugués.

DuckDik Sense é un produto de benestar e non un dispositivo médico: non diagnostica, non trata nin prevén ningunha enfermidade.